Rregullat e Komunitetit — UNIK
Përditësuar më 29 gusht 2026
UNIK është komunitet, platformë sociale dhe treg online për përdorues 18+. Çdo përdorues është përgjegjës për përmbajtjen, komunikimin dhe veprimet e veta.
1. Respekti dhe siguria
Ndalohet kërcënimi, ngacmimi, bullizmi, shantazhi, gjuha e urrejtjes, diskriminimi dhe nxitja e dhunës.
2. Përmbajtja e ndaluar
Ndalohet pornografia, përmbajtja seksuale e palejuar, dhuna e rëndë, vetëlëndimi, abuzimi, shfrytëzimi i fëmijëve dhe përmbajtja e paligjshme ose e rrezikshme.
3. Mbrojtja e të miturve
UNIK është për persona 18+. Përmbajtja që seksualizon, rrezikon ose shfrytëzon të mitur ndalohet dhe mund t’u raportohet autoriteteve.
4. Mashtrimi dhe identiteti
Ndalohet mashtrimi, imitimi, profilet e rreme, dokumentet e falsifikuara, phishing-u dhe kërkimi mashtrues i parave ose të dhënave personale.
5. Shpalljet dhe tregtia
Shpalljet duhet të jenë të sakta. Ndalohet shitja ose promovimi i produkteve dhe shërbimeve të paligjshme, të vjedhura ose të rrezikshme.
6. Spam dhe manipulim
Ndalohet spam-i, publikimi i përsëritur abuziv, reklamat mashtruese, mesazhet e padëshiruara dhe manipulimi i vlerësimeve.
7. Privatësia
Mos publikoni të dhëna personale ose komunikime private të personave të tjerë pa leje.
8. Të drejtat e autorit
Publikoni vetëm përmbajtje që keni të drejtë ta përdorni. Përmbajtja që cenon të drejtat mund të hiqet.
9. Raportimi dhe bllokimi
Përdorni “Raporto” për shkelje dhe “Blloko” për të ndërprerë ndërveprimin. Raportimet e rreme ose keqdashëse ndalohen.
10. Moderimi dhe masat
UNIK mund të kufizojë dukshmërinë, heqë përmbajtjen, pezullojë ose mbyllë llogari dhe, kur kërkohet, të bashkëpunojë me autoritetet.
11. Përgjegjësia e përdoruesit
Përdoruesit duhet të kontrollojnë vetë personat, produktet, shërbimet dhe pagesat. UNIK nuk është palë në marrëveshjet mes përdoruesve.
12. Ndryshimet dhe kontakti
Rregullat mund të përditësohen. Pyetjet dhe raportimet mund të dërgohen përmes Ndihmë dhe raportim në UNIK.
Duke përdorur UNIK dhe duke publikuar përmbajtje, përdoruesi pranon t’i respektojë këto rregulla.